Amarelante Sociedade Cooperativa Galega

A cooperativa Amarelante nace no ano 2013 como un proxecto de recuperación de soutos en estado de abandono para a produción de castaña de calidade que se comercializa baixo o selo de Castaña de Galicia. Apostamos polo medio rural como o noso medio de vida, dende o respecto e o beneficio mutuo.

Situada no Concello de Manzaneda, na provincia de Ourense, esta cooperativa está formada por cinco familias que entenden este proxecto como unha ferramenta de transformación social. A actual situación de CRISE económica, ecolóxica e social demanda a posta en marcha de estratexias que redefinan a relación do ser humano co medio no que se desenvolve.