Unidade de Atención Temperá - USC

A Unidade de Atención Temperá leva máis dunha década traballando no seo da Universidade tratando a menores afectados por trastornos ambientais con factores de estrés, exclusión social, trastornos na linguaxe ou algún tipo de enfermidade rara, entre outros.

Dirixida pola profesora María José Buceta, a UAT está composta por un equipo multiprofesional do ámbito social, educativo e psicolóxico. Está situada na Facultade de Psicoloxía (Campus Vida) e conta con salas de logopedia, de terapia de xogo, de atención temperá, de investigación, estimulación precoz e atención psicopedagóxica. Unimos intervención, docencia, investigación.