Turismo Terras de Iria

Turismo Terras de Iria nace dentro do Consorcio do mesmo nome que conforman os Concellos de Padrón, Rois e Dodro.
Os concellos apostan por xuntar forzas e traballar nun mesmo senso en varios servizos existentes nos tres municipios.
Así, séguese a liña establecida fai xa uns meses, cando os tres Concellos asinaron o proxecto piloto de Consorcio, destinado á posta en común de determinados servizos para garantir a rendibilidade dos mesmos. Así nace Terras de Iria, baixo o cal os tres concellos abren un abano de traballo conxunto. Dentro destes servizos consorciados, unha gran aposta é o sector turístico no que se está a traballar en varios proxectos para proporcionar unha oferta turística en común aos visitantes que se achegan á comarca.