SOKAIRE

Sokaire, Ieko gazte biren iniziatibagatik sortu da, non aspalditik etorkizunera begira espektatiba edo proiektu berriak garatzen ikusteko premia nabaria izan den. Ideia fresko eta berritzaileekin gatoz herrian lehendik izan dugun egunerokotasuna apurtzeko intentzioarekin.
Asmoak haundiak eta interesgarriak dira, hemengo sare ekonomikoa sustatzeko lehen pausuak hauexek izanez.
Hain zuzen ere, bertako ekonomiak bereziki sektore honetan izan dituen aurrekariak eta esperientzia eza ikusita, turismo aktibo eta abentura munduan kokatzen den jarduerari ekiteko aukera aurkezten da. Beti ere, natura eta ingurumena zaintzeko konpromezu trinkoarekin.
Horregatik arrantzarako kayak espezializatu berriak baita oso modan jartzen ari diren SUP (Stand Up Paddle) oholak ere erabiltzeko aukera eskeintzen dugu aurtengo uda honetan. Bide batez, partehartzaileei aisialdirako espazio fisikoa nabarmen handitzen zaio eta Ieko itsasadarra beste ikuspegi batekin ikusteko baliabideak zabaltzen dira, itsasoaren ikuspuntutik hain zuzen ere. Orain arte gutxi batzuen eskuetan zegoen aukera ederra!