O Salón do Libro Infantil e Xuvenil de Pontevedra pretende fomentar a lectura de libros en galego dende a infancia, ao tempo que aumenta a creatividade e imaxinación dos pequenos.
Este proxecto cultural do Concello de Pontevedra, composto por unha morea de actividades que poderedes coñecer nesta páxina, naceu hai xa 17 anos. No 2016, o lema será "Canta bichería!" e a súa ambientación estará baseada no libro "As peripecias de Extravaganzza Pérez", escrito por Ledicia Costas e con ilustracións de Óscar Villán.