Participa Ferrol

As corporacións locais constitúen o marco político-administrativo máis próximo á cidadanía, sendo o contorno idóneo para a profundización da democracia. A democratización dos Concellos esixe, non só a representatividade da cidadanía elixida por sufraxio para a toma de decisións, senón tamén a intervención dos cidadáns e das cidadás na planificación, control e seguimento das políticas públicas locais.

Nestas intervencións consiste a Participación, como a incorporación á tarefa municipal de toda acción de carácter solidario —individual ou colectiva— que camiña cara o recoñecemento pleno dos veciños e das veciñas en suxeitos de dereitos e non simples beneficiarios e beneficiarias de prestacións e servizos.

Trátase de gobernar non só para a cidadanía, senón coa cidadanía.

Podes ler máis do Regulamento de Participación Cidadá de Ferrol aquí: http://www.ferrol.es/arquivos/documentos/normativa/regulamento_participacion.pdf#page=58