Lliga Celta d'Asturies

La LCA ye una asociación que ñaz énte la necesidá d'afondar nel estudiu y na conocencia de los raigaños celtes de la cultura asturiana.

Prestaríanos aidar na divulgación d'esa parte de la nuesa identidá ente los propios asturianos y, tamién, contribuir a la promoción del nuesu padremuñu celta nel ámbitu de la Céltica europea.

La de nueso ye una cultura milenaria que desendolcó una identidá bien afitada, que nesti intre ta sufriendo un procesu d'aculturación xabaz, ye agora cuando atalantamos qu'hai que llamar a conceyu abiertu a la sociedá asturiano y plantanos énte esi procesu.

Un pueblu que nun conoz la so historia nun podrá reconocese a si mesmo y, frente a la "mediterranización" de la nuesa cultura, plantegamos recuperar los raigones que comparte'l nuesu pueblu cola Europa Atlántica, la Europa Céltica.

Esta ye una xera a la que quedáis convidaos.