Esta Granxa Artesanal nace no seo da Casa de Familia que a Asociación "Fogares LAR" ten, desde 1989, en Muimenta (Terra Chá).
A finalidade de Lar do Acivro é a cría de diferentes especies animais, algunhas delas autóctonas como o porco celta, galiña de Mos, galiña piñeira, can de palleiro e outras de fóra de Galicia. Lar do Acivro é socia das organizacións específicas de cada unha destas razas.
Desta cría e mais da explotación dun pequeno horto encárganse, xunto cos seus educadores, os menores tutelados pola Xunta que conviven no citado fogar.
Deste modo, nunha época na que a inserción laboral é difícil, esta Granxa Artesanal resulta de gran importancia para axudar a estes rapaces e rapazas a asumir responsabilidades ao tempo que fomenta o seu gusto pola natureza e polo consumo de produtos naturais.
O obtido coa venda da produción da Granxa será reinvestido nela coa finalidade de manter e mellorar as súas instalacións.