Fundación La Rosaleda

A Fundación La Rosaleda vén desenvolvendo desde a súa creación, no ano 2004, un amplo programa de actividades, entre as que se atopan os Martes Clínicos, Aula Aberta, o Premio Internacional de Acción Social “Axuda”, Literapia, Xoves Culturais, Premio Internacional de Investigación Oncolóxica Científica e Técnica Ramiro Carregal, etc. Moitas destas accións son continuidade doutras que xa se viñan desenvolvendo desde facía máis de 40 anos pola dirección do policlínico, concienciado sempre na importancia da divulgación sanitaria e cultural desde e para Galicia.
A estabilización da programación que se viña levando a cabo tras a creación da Fundación converteuna, ao longo destes máis de oito anos de existencia, nunha das entidades de ámbito galego con maior actividade e que abarca máis aspectos: divulgación científica, socio-sanitaria, cultural, premios e convocatorias internacionais, investigación e publicacións.
A maior parte destas actividades e actuacións desenvólvense en Galicia e teñen relatores e destinatarios galegos. Pero ademais, é preciso ter en conta o compromiso da Fundación, e do grupo hospitalario que a sustenta, co desenvolvemento económico e social e co progreso de Galicia.