Desde hai varios lustros a Comisión de Festas de Castelo é a entidade encargada da organización das festas na honra de Santiago Apóstolo e San Ramón, os dous patróns desta parroquia cullerdense. Tradicionalmente foron veciños de Castelo os únicos membros da Comisión, aínda que nos últimos anos, e en varias etapas, foron varios os rapaces e rapazas que, ben pola súa participación nas actividades que se desenvolven na parroquia, ben por formar parte doutras entidades como a asociación Castelo Deporte, colaboraron na organización das festas.