Axober

A Asociación de Xóvenes Empresarios de Bergantiños (AXOBER), é unha entidade sen ánimo de lucro, fundada no ano 1992 por un grupo de empresarios da zona, co obxectivo de servir como nexo de unión entre as empresas locais.


Despois de 16 anos e grazas á labor realizada polas distintas Xuntas Directivas, case 300 empresas forman parte deste proxecto que contribúe, en gran medida, ao desenvolvemento do tecido empresarial na comarca de Bergantiños.

Axober, participa activamente en proxectos de dinamización do emprego, divulgación, formación e promoción. Tamén desempeña unha labor importante de asesoramento aos seus asociados.

Ao longo destes anos aválanos a experiencia en cursos, seminarios, congresos e eventos de gran repercusión, que axudan a promocionar a nosa comarca e os seus produtos.

Invitamos a participar neste proxecto a todos aqueles que desexen traballar polo desenvolvemento do empresariado bergantiñán.