Arraigo Galicia

Arraigo está a desenvolver o proxecto “Punto de Encontro”, no que se proporciona ós usuarios da Asociación un lugar no que reunirse e pasar tempo xuntos, e no que poden desenvolver diferentes actividades.
Esta asociación dispón na actualidade dun local, situado na Rúa Ares nº 4, soto.Sen embargo, na actualidade, por cuestións totalmente alleas á entidade, as obras de remodelación do mesmo están paralizadas, polo que ata que esta cuestión sexa arranxada, as asúas accións teñen como epicentro o baixo da “Casa Solidaria”, cedido polo concello de Ferrol para tal fin. Este lugar, ademais de ser o sitio no que se pon en práctica o proxecto anteriormente mencionado, acolle tamén alimentos e un roupeiro, grazas ós cales se pode dar resposta ás necesidades dos usuarios.
O modo de financiamento da asociación baséase nas cotas dos socios, nas doazóns económicas de entidades e particulares, e no traballo dos socios e voluntarios, mediante a realización de campañas de recollidas de alimentos en grandes superficies e dos beneficios obtidos nos postos que a Asociación pon en diferentes feiras de artesanía e segunda man.