O Arquivo Histórico Provincial de Lugo é un centro de titularidade estatal e xestión transferida dende 1989 á Comunidade Autónoma de Galicia.
Depende organicamente da Xefatura Territorial da Consellería de Cultura, Educación e Ordenación Universitaria e funcionalmente da Subdirección de Arquivos, dentro da Secretaría Xeral de Cultura.
Actualmente custodia uns 18.000 m. de documentación, procedente de todos os ámbitos e sectores da provincia. Presta servizos ao público, á administración e aos investigadores.
Ten a súa sede nun edificio funcional situado na rúa Cambria, nas proximidades do casco vello da cidade.