A Asociación de Nais e Pais (ANPA) do Colexio de Vite é unha asociación sen ánimo de lucro, aberta a todas as familias con fillos estudando no centro. A nosa principal motivación para pertencer á devandita asociación é poder manter unha actitude activa, ante o que suceda no colexio, e en todo aquilo relacionado coa educación, formación e benestar dos nosos fillos e fillas. Dende o ANPA facilítase a canalización de opinións, condución de problemas, asesoramento dos pais e nais, e a proposición de actividades, talleres... que vaian en beneficio de todos. Por este motivo dende aquí animámosvos a asociarvos e participar activamente xunto a este equipo, que comeza este novo curso con moita ilusión e gañas, a sabendas que a participación do resto dos pais é fundamental para o seu bo funcionamento.