Kutxa Beltza

Kafe Antzokiko goiko aretoan egiten dira emanaldiak, klub giroan eta entzulearekiko hurbiltasun zuzena bilatuta. Zenbait euskarri eta estilotako ekitaldiak ikusteko aukera dugu bertan.

Jakina da sarritan artista eta zaletua banatzen dituen tartea handiegia izaten dela. Kafe Antzokiko goiko aretoa eraberritu da: beltz koloreko teloi handiak apaingarri, agertoki mugikorra ezarri da, soinu eta argi ekipamendua handitu… Horri guztiari esker eta lekuak duen berotasunak lagunduta, publikoa aurrez aurre aurkitzen da ikustera doan taldearekin. Hurbileko konplizitatea bilatzen duen tokia da, klub txiki baten giroan sartuta artista eta publikoaren arteko interakzio zuzenena lortzeko asmorarekin sortutakoa.