O Programa de Doutoramento en Estudos Literarios proporciona a formación avanzada e especializada, así como a capacidade investigadora no ámbito das literaturas en lingua española, lingua galega e lingua portuguesa, sentando as bases para o desenvolvemento da investigación básica e aplicada neste ámbito esencial do coñecemento. O seu interese científico é común ao da investigación noutros ámbitos das Humanidades: a exploración e a preservación e interpretación da memoria sociocultural colectiva, unida a unha formación e investigación nas vertentes teórica e pragmática.