O Ágora é un centro sociocultural municipal onde atoparás unha variada programación dirixida a todos os públicos. Nas instalacións a veciñanza pode gozar da biblioteca municipal, ver unha exposición, reunirse coas amizades, participar nun obradoiro e actividades formativas, ou asistir no auditorio a espectáculos tan diversos como concertos, obras de teatro, recitais de poesía, conferencias ou danza.
Entre os obxectivos do Ágora, ademais de satisfacer as necesidades lúdicas, sociais e culturais do barrio do Agra do Orzán e cidadanía en xeral, tamén está a formulación de programación de marcado carácter innovador.