As Pontes en Igualdade é un servizo de información e comunicación do Centro de Información á Muller (CIM) dependente da Concellaría de Servizos Sociais e Atención á Cidadanía do Concello de As Pontes de García Rodríguez.
@AsPontesEnIgualdade ten como reto e como obxectivo primordial sensibilizar e concienciar da importancia da igualdade de oportunidades entre mulleres e homes en todos eidos da nosa vida.
Esta páxina compartirá información sobre campañas, obradoiros, conferencias, xornadas, cursos e investigacións en materia de igualdade de oportunidades promovidas polo Concello das Pontes e as entidades que están a traballar nel.
En definitiva, é unha canle de comunicación entre o Centro de Información ás Mulleres (CIM) do Concello das Pontes e a sociedade, en temas tan necesarios como: a loita contra a violencia de xénero, o empoderamento feminino, o fomento do asociacionismo feminista, a promoción da conciliación da vida profesional, familiar e persoal, o apoio a participación activa das mulleres na vida sociocomunitaria, empresarial, laboral, política… e a calquera outra temática, que promova unha sociedade NON MACHISTA, con igualdade de oportunidades, e polo tanto, máis xusta, inclusiva e libre.